Ke Kalina Luku ʻŌhiʻa (ROD)
ʻIke ʻia ke Kalina Luku ʻŌhiʻa (ROD) ma ka mokupuni ʻo Hawaiʻi, Kauaʻi, Maui, a me Oʻahu. Ua hōʻoia ʻia ʻelua ʻano haipilikia kalina luku ʻōhiʻa ma Hawaiʻi mokupuni a me Kauaʻi, ʻo ia hoʻi he Ceratocystis lukuohia (luku ʻōhiʻa) a he Ceratosystis huliohia (huli ʻōhiʻa). ʻOiai ʻoi ka pōʻino o ka C. lukuohia, e make nō ka ʻōhiʻa i nā lāhulu kalina ʻelua. I loko nō o ke ola o kekahi kumu ʻōhiʻa, he make mai koe i ka holopapa a ia kalina i loko ona.
E nānā i ke kiʻiʻoniʻoni i hoʻomaikaʻi nui ʻia ʻo
SAVING ʻŌHIʻA, Hawaiʻi’s Sacred Tree.
He aha hoʻi kā kākou hana?
E kāohi kākou i ka laha o ke kalina luku ʻōhiʻa penei:
- Mai hili kākā wale i ka ʻili pāpaʻa o ke kumu ʻōhiʻa. Komo ke kalina ma nā ʻaʻali kahakaha o ke kumu.
- Mai ʻaʻe ma ke aʻa ʻōhiʻa. Mai hoʻoneʻe i ka paukū lāʻau a me nā ʻāpana ʻē aʻe o ka ʻōhiʻa e laʻa me ka pua a me ka liko lehua.
- Mai nō halihali i ka ʻōhiʻa mai kekahi mokupuni a i kekahi mokupuni aku. E hahai i nā kānāwai o ka ʻOihana Mahiʻai Mokuʻāina. E holoi i nā pono hana, nā kāmaʻa, ka lole, a pēlā aku, ma mua a ma hope o ke komo ʻana i ka ululāʻau.
- Ma hope o ka wehe ʻana i ka lepo, e kikī i ka ʻalekohola 70%. E hoʻomaʻemʻae ʻia ka lole a me nā kāmaʻa ma mua a ma hope o ke komo ʻana i ko Hawaiʻi mau ululāʻau. E holoi ʻia ka lole i ka wai wela a me ke kopa.
- E holoi hoʻi i nā kaea a iā lalo o kou kaʻa i hemo ka lepo a ʻūkele paha. E hoʻāʻo e wehe i ka lepo/ʻūkele a pau ma waena mai o nā taea a no lalo o ke kaʻa, keu hoʻi ma hope o ka holo ala lepo o ka ulu lāʻau.
Ka Naonao Ahi
ʻIke mua ʻia ka Naonao Ahi i ka Mokupuni ʻo Hawaiʻi i ka hapa hope o ke kekeke 1990. Mai ia wā mai, ua laha akula i Maui, Oʻahu, a Kauaʻi. Ua pilikia nō ka ʻāina, ka mahi ʻana, ka ʻoihana mākaʻikaʻi, ke kaiaola, ke olakino kanaka, a pēlā aku, i ka Naonao Ahi. Kuhi ʻia, he $174 miliona ka lilo o kēlā me kēia makahiki ma muli o ka hōʻino a ia haipilikia naonao. No kekahi ʻike hou aʻe no ka Naonao Ahi, e kele aku i visit www.StopTheAnt.org.
Kiʻi na Stop The Ant
Ka ʻAwapuhi Hīmaleia (ʻAwapuhi Kāhili)
He mea nani a ʻaʻala ka ʻawapuhi Hīmaleia, he lāhulu haipilikia ʻino loa nō naʻe ia i Hawaiʻi nei. He ʻōiwi ia no nā ululāʻau o Hīmaleia hikina, ua komo hewa naʻe i kekahi mau ʻāina, e laʻa me Hawaiʻi. E kōkua i ke kāohi ʻana i ka laha o ka ʻAwapuhi Hīmaleia ma ka Pāka Aupuni ʻo Kīlauea ma ka hana manawaleʻa ʻana ma ka papahana ʻo Stewardship at the Summit. volunteering in Stewardship at the Summit.
ʻO kēia kekahi mau laʻana haipilikia i nā kaiaola ma Hawaiʻi.
Kiʻi na ka Pāka Aupuni ʻo Kīlauea