Nā Lāhulu Kapu

Me ka minamina nō ʻo Hawaiʻi ke kapikala o nā lāhulu ʻane halapohe o ke ao holoʻokoʻa. Helu ʻia he 400 a ʻoi lāhulu hopo halapohe a ʻane halapohe e ka ʻOihana Iʻa a Holoholona Lōhiu ma ka Mokuʻāina ʻo Hawaiʻi. ʻO ka lawekahiki ʻia mai o nā lāhulu ʻē a me nā maʻi kekahi mea e pōʻino ai nā mea ulu a holoholona ʻōiwi. Ma ka mokupuni ʻo Hawaiʻi, e ʻike ʻia ana paha kēia mau lāhulu i lalo iho nei i hoʻomalu ʻia ma lalo o ke Kānāwai Lāhulu ʻAne Halapohe:

Ka ʻĪlioholoikauaua.

ʻO ka ʻīlioholoikauaua kekahi māmela kai ʻane halapohe loa o ke ao holoʻokoʻa, a ʻo ia nō ka sila kākaʻikahi loa i nā kai o ʻAmelika Hui Pū ʻIa. E hoʻomamao aku ʻoe i ka ʻīlioholoikauaua he 50 a ʻoi ʻīā. ʻO ka hui ʻo Ke Kai Ola ka hui i hoʻopalekana a hoʻopolapola nui i ka ʻīlioholoikauaua.

ESA*, MMPA**, +S

Ka Honu - Ka Honu a me ka ʻEa

Hoʻokapu ʻia nā honu a ʻea a pau ma Hawaiʻi. Mai hoʻopilikia, hōʻeha, pepehi, a lawe i ka honu ma ke ʻano he hānaiahuhu me ka loaʻa ʻole o ka palapala ʻae. Pāpā pū ʻia ke kūʻai ʻia o kekahi ʻāpana kino honu. E hoʻomamao aku he 10 kapuaʻi (3 mika) a ʻoi. Mai hana ʻino i ka honu i ka hānai, hoʻopā, a kau ma luna. He ʻaumakua ka honu no kekahi mau ʻohana, a kālai ʻia hoʻi ke kiʻi honu i ka pōhaku.

*ESA, +S

Ka Naiʻa

Mai alualu, hana ʻino, a hoʻopilikia i ka naiʻa. Ke nanea ʻoe i ka nānā i ka naiʻa ʻāhiu, e hoʻomamao aku he 50 ʻīā a ʻoi.

MMA*

Ke Koholā

E hoʻomamao aku i ke koholā he 100 ʻīā a ʻoi.

ESA*, MMPA*, +S

Ka Nēnē

Ua piʻi aʻe ka nui nēnē i kona hoʻokapu mua ʻia mai ka makahiki 1967 mai. Ma hope o ʻelima kekeke, ʻaʻole ʻane halapohe ia lāhulu. He kūlana hopo halapohe ko ka nēnē i kēia manawa i loko nō o ka pau o kona kūlana ʻane halapohe.

*ESA, +S

Ka ʻŌpeʻapeʻa

ʻO ia hoʻokahi ka māmela noho ʻāina i ko Hawaiʻi Pae ʻĀina, eia naʻe, inā nānā ʻia ka mōʻalihaku, he hoʻokahi hou aʻe ʻōpeʻapeʻa ʻōiwi ko ka Pae ʻĀina ma mua. ʻAi ka ʻōpeʻapeʻa i nā ʻano ʻineseka lele pō ʻōiwi a ʻōiwi ʻole like ʻole.

*ESA, +S

*ESA = Kānāwai Lāhulu ʻAne Halapohe
**MMPA = Kānāwai Māmela Kai
+S = Kānāwai Mokuʻāina

E hoʻomamao aku nō i ia mau holoholona makamae o hoʻopaʻi ʻia ʻoe.

No ka hōʻike i ka māmela i pae i uka a i hei i ka ʻupena: 1-888-256-9840. Pāpā ʻia ke alualu a me ka hānai ʻana i nā māmela kai i ke Kānāwai Pekelala. Mai hoʻāʻo i ka hoʻopā, kau, a hānai i ka honu, ʻea, a māmela kai paha. E kaupalena i kou wā nānā i nā holoholona a iʻa paha, he 1/2 wale nō hola. Mai hoʻopuni a hoʻopaʻa paha ma waena o nā waʻapā, a me ka lae kahakai paha. Inā hoʻokokoke mai kekahi māmela kai iā ʻoe i luna o ka waʻapā, e hoʻomaha i ka ʻenekini a hala aku ia mea.

Laina Kelepona Hoʻokō Kānāwai Iʻa a NOAA: 1-800-853-1964 (24 hola/lā, 7 lā/pule)

DOCARE (ʻOihana Hoʻomaluō a Hoʻokō Kānāwai): 808-974-6208 (Hilo), 808-323-3141 (Kona), 808-887-6196 (Waimea)

E hōʻike i ka manu ʻōiwi ʻeha i ke kikowaena Hawaiʻi Wildlife Center (808) 884-5000 a i ʻole Hawaiʻi Wildlife Center (808) 884-5000 or birdhelp@hawaiiwildlifecenter.org (a e hoʻouna aku i kiʻi)

Back To Top